 |
|
|
Europako erdialdeko eta hegoaldeko herrialdeetan,
Gizarte Segurantzako sistemak nahikoa eskuzabalak dira. Sistema publikoak
soldataren araberako pentsioa ordaintzen du, eta ez bakarrik bizirauteko
gutxienekoa, mundu anglosaxoian gertatzen den bezala.
Ikuspegi horrek gizarte aurreikuspen osagarriko sistemen premia baztertzen
ez badu ere, eskaini beharreko aurreikuspen sisteman du eragina. Helburua
ez da Gizarte Segurantzakoak bezalako pentsio proportzionalak, biziartekoak
eta eguneragarriak nahitaez eskaintzea, pentsio publikoa sendotzeko eta
osatzeko epe luzerako aurreikuspen-aurrezkia eratzea baizik.
Dena dela, prestazio zehaztuko sistemek, noizean behin egokitu behar
badira ere, berme gehiago eskaintzen dizkiete bazkideei, hasiera batean,
ez daudelako arrisku finantzario eta biometrikoen menpe.
Zenbait eragileren ondorioz sortu behar dira sistema osagarriak:
|
 |
Ikuspegi estatikotik barik, etorkizuneko
ikuspegitik begiratu behar zaio sistema publikoaren estaldurari. Arazoa
ez da Gizarte Segurantzak orain estaldura ona eman ahal duen ala ez, 20
edo 30 urte barru eman ahal izango duen baizik. Gizarte adostasunaren
arabera, gaur egungo %80tik %55-%60ra murriztuko da estaldura. Era
berean, Europako adostasunaren arabera, ordezkapen tasa %75ekoa izan
beharko da kontsumo mailari eusteko. Aurreikuspen osagarriak estali
beharko du alde hori. |
|
Sistema publikoa gero eta malguagoa
izango da adinari dagokionez, baina aldez aurretiko erretiroaren kostu
aktuarial guztia egotziko du prestazioan. Gehiago kobratzea ez ezik,
lehenago erretiratzea ere bada aurreikuspen osagarriaren helburua. |
|
Gizarte Segurantzak estaltzen ditu soldatak kantitate bateraino.
Kopuru horretatik aurrera, ez dago estaldura publikorik. Hori
dela eta, soldata handiagoak dituztenek sistema osagarrietara egin
behar dituzte ekarpenak, estali gabeko soldata horren zati bat estaltzeko,
behintzat. Halakoetan, ekarpena lehen suposamendua baino askoz handiagoa
izan behar da, prestazio bakarra baino ez delako jasoko goiko tarte
horrengatik. |
|
Era berean, lanbideetan gertatutako
etenaldiak ere konpentsatzen dituzte, euren ondorioz ez dagoelako Gizarte
Segurantzako gehienezko pentsioetara iristerik. |
|
|
